हामी सबैकाे संसारन्यूज

काठमाडौं । काठमाडौं महानगरपालिकाले विद्युत् प्रसारण लाइन मुनि रहेका घर, टहरा, पर्खाल आदि संरचना हटाउन आग्रह गरेको छ । महानगरले आज एक सूचना जारी गर्दै संरचना हटाउन सम्बन्धित सबैलाई आग्रह गरेको हो ।

महानगरको सहरी व्यवस्थापन विभागद्धारा जारी गरिएको सूचना अनुसार मापदण्ड अनुसार विद्युत् प्रसारण लाइन तथा वितरण लाइनको मुनि तथा दायाँबायाँ रहेका संरचना हटाउनुपर्ने छ । विद्युत् प्रसारण लाइन आसपास भवन निर्माण गर्दा विद्युत् ऐन २०४९ र विद्युत् नियमावली २०५० ले तोकेबमोजिममा प्रावधान पालना हुनुपर्ने उल्लेख गर्दै यस्तो प्रावधानको उल्लघन् भएको पाइएको महानगरले सूचनामा उल्लेख गरेको छ ।

सूचनामा घर, टहरा, पर्खाल, विद्यालय, कलेजजस्ता संरचना प्रसारण लाइनमुनि बनेको पाइएको भन्दै महानगरले त्यस्ता संरचना हटाउन निर्देशन गरेको हो ।
जारी सूचनामा ३५ दिनको अवधि दिँदै यस्ता संरचना आफैँ नहटाए महानगरले कानुनबमोजिम कारबाही गर्ने उल्लेख छ ।

मापदण्ड अनुसार २३० केभीदेखि ११ हजार केभीसम्मको प्रसारण लाइनभन्दा १.२५ मिटर र सोभन्दा माथिको क्षमताकोमा १।५ मिटर टाढा रहनुपर्ने प्रावधान छ ।

यस्तो छ सूचना :-