स्याङ्जा । स्याङ्जाको गल्याङ नगरपालिकाले जेहेन्दार विद्यार्थीका लागि छात्रवृत्ति वितरण गरेको छ । नियमित प्रधानाध्यापक बैठकमा नगरभित्रका जेहेन्दार विद्यार्थीका लागि स्टेशनरीका सामग्री वितरण गरिएको हो ।
कार्यक्रमको अध्यक्षता समेत ग्रहण गरेका नगरपालिका प्रमुख गुरु प्रसाद भट्टराइले शिक्षाको गुणस्तर अभिवृद्धि तथा विद्यार्थीहरूलाई शैक्षिक सामग्रीमा पहुँच सहज गराउने उद्देश्यले स्टेशनरी वितरण गरिएको बताए ।
कार्यक्रममार्फत नगर भित्रका पाँच सय ५३ जना जेहेन्दार विद्यार्थी लाभान्वीत हुनेछन् भने प्रत्येक विद्यार्थीलाई एकएक दर्जन कापी र पेन्सिल उपलब्ध गराइने भएको छ ।
वितरण गरिएको सामग्री हाल सम्बन्धित विद्यालयका प्रधानाध्यापकलाई उपलब्ध गराइएको छ । प्रध्यानाध्यापकले सम्बन्धित विद्यार्थीहरूलाई हस्तान्तरण वितरण गर्नेछन् ।
वि.सं.२०८२ साउन २१ बुधवार १९:२७ मा प्रकाशित
