हामी सबैकाे संसारन्यूज

काठमाडौँ । महालक्ष्मी विकास बैंक लिमिटेडले अन्तर्राष्ट्रिय स्तरको महत्वपूर्ण पुरस्कार “एक्सिलेंस इन बैंकिङ इन्नोभेशन एन्ड कस्टमर डिलाइट” (Excellence in Banking Innovation and Customer Delight) प्राप्त गरेको छ। भारतमा सम्पन्न Blindwink India Business Awards 2025 कार्यक्रममार्फत बैंकलाई यो सम्मान प्रदान गरिएको हो।

प्रेस विज्ञप्तिअनुसार, डिसेम्बर ५ मा भारतको बेंगलोरमा भएको कार्यक्रममार्फत बैंककुलगत्तर निरन्तर प्रविधिमैत्री सेवा विस्तार, डिजिटल बैंकिङ अभिवृद्धि, ग्राहकमैत्री योजना तथा उत्कृष्ट सेवा–सुविधाको कारण अवार्ड प्रदान गरिएको उल्लेख छ। बैंकले सेवा विस्तार, इलेक्ट्रोनिक च्यानलहरूमा निरन्तर सुधार, गुणस्तरीय ग्राहक सेवा तथा सुरक्षित डिजिटल कारोबारका कारण उच्च मूल्यांकन प्राप्त गरेको बताइएको छ।

क्रस–बोर्डर कारोबारमा सरल सेवा

बैंकले नेपाल–भारतबीच हुने क्रस–बोर्डर (Cross Border) रेमिट्यान्स तथा वित्तीय कारोबारमा विशेष सेवा प्रदान गर्दै आएको विज्ञप्तिमा उल्लेख छ। भारतमा रहेका नेपालीहरूलाई सजिलो र सुरक्षित रूपमा रकम आदान–प्रदान गर्न बैंकले विशेष सेवा सुविधा सञ्चालन गर्दै आएको छ।

ICC को नियमअनुसार सुव्यवस्थित व्यापारिक सहयोग

अन्तर्राष्ट्रिय चेम्बर अफ कमर्स (ICC) का नियमानुसार व्यापारिक कारोबार, भुक्तानी तथा आयात–निर्यातसम्बन्धी बैंकिङ सेवामा महालक्ष्मी विकास बैंकले उल्लेखनीय सुधार ल्याएको बताइएको छ। यसले नेपाल र छिमेकी मुलुकबीच व्यापारिक पारदर्शिता तथा सहजता बढाउन मद्दत गरेको बैंकको विश्वास छ।