Sansar News
५ कात्तिक, इनरुवा। यात्रुबाहक बसको ठक्करबाट धरानमा आज एक जनाको मृत्यु भएको छ ।
मृत्यु हुनेमा धरान– ८ का हेमन्त गुरुङग रहेको सुनसरीका प्रहरी नायव उपरीक्षक विनोद घिमिरेले जानकारी दिनुभयो ।
धरानबाट इटहरीतर्र्फ आउँदै गरेको ना।४ ख ५३८७ नं को यात्रुबाहक बसले विपरीत दिशाबाट आउँदै गरेको को १६ प ४९३० नं को स्कुटरलाई धरान उपमहानगरपालिका– ८ मा ठक्कर दिँदा स्कुटरमा सवार गुरुङगको मृत्यु भएको हो ।
बसको ठक्करबाट गम्भीर घाइते भएका गुरुङगको धरानस्थित बिपी कोइराला स्वास्थ्य विज्ञान प्रतिष्ठानमा उपचारका लागि लैजाने क्रममा बाटोमा मृत्यु भएको प्रहरीले जनाएको छ । ठक्कर दिने बस र त्यसका चालक प्रहरी नियन्त्रणमा रहेको छ । रासस
वि.सं.२०७३ कात्तिक ५ शुक्रवार १२:२३ मा प्रकाशित
