१२ कात्तिक, काठमाडौँ। बडादशैं, तिहार, नेपाल संवत्, छठ, ल्होसार लगायत चाडपर्वका अवसरमा नेकपा (एमाले) निर्वाचन क्षेत्रीय कमिटी, क्षेत्र नं ९ काठमाडौंको आयोजनामा आज आयोजित शुभकामना आदानप्रदान तथा चियापान समारोहमा एमालेका उपाध्यक्ष भीमबहादुर रावल सहभागी हुनुभयो ।
सो अवसरमा नेता रावलले देशको राष्ट्रियता अहिले गम्भीर सङ्कटमा रहेकाले यी चाडपर्वले सबै दलबीच एकता कायम गराई सङ्कटबाट देशलाई पार लगाउन सकोस् भन्ने कामना गर्नुभयो ।
कार्यक्रममा पार्टी पोलिटब्युरो सदस्य वेदुराम भुसाल, सभासद् जेबी टुहुरे लगायत निर्वाचन क्षेत्रका गाउँ तथा वडाबाट कार्यकर्ता तथा सर्वसाधारणको सहभागिता रहेको कमिटीका अध्यक्ष नवराज भट्टले जानकारी दिनुभयो । रासस
वि.सं.२०७३ कात्तिक १२ शुक्रवार ११:४१ मा प्रकाशित