हामी सबैकाे संसारन्यूज

८ असार,  दोहा । नेपाली दूतावास कतारले गम्भीर ध्यानाकर्षण भएको जनाएको छ ।

दूतावासले केहीदिनदेखि व्यक्तिगत रुपमा सामाजिक संजाल तथा अनलाईन पत्रिकाहरुमा नेपाली नागरिक विनोद रानाभाटलाई कतारमा मृत्युदण्डको सजाय तोकिएको बारेमा संप्रेषण भएका समाचारहरुप्रति गम्भीर ध्यानाकर्षण भएको जनाएको छ ।

‘कतारको सम्बन्धीत अदालतले रानाभाटलाई भारतीय नागरिकको हत्याको अभियोगमा दोषी ठहर गर्दै तीनवर्षको जेल सजाय र मृतकको परिवालाई दुई लाख साठी हजार कतारी रियाल ब्लड मनि तिर्नुपर्ने सजाय तोकिएका व्यहोरा सम्बन्धीत सबैको लागि जानकारीका लागि अनुरोध छ ।’ दूतावासद्धारा आइतबार जारी विज्ञप्तिमा भनिएको छ ।

‘साथै उक्त आदेशअनुसार २० अक्टोबर २०१९ मा निजको ३ वर्षको जेल सजाय समाप्त हुने र ब्लड मनी स्वरुपको रकम भुक्तान गरेपछि उहाँ जेल मुक्त हुने व्यवहोरा समेत अनुरोध छ ।’ दूतावासले थप पृष्टि गरेको छ ।