हामी सबैकाे संसारन्यूज

१५ जुलाई ओमान । ओमानका लागि नेपाली राजदूत शर्मिला ढकालले नेपालको कृषिमा लगानी गर्न ओमान सरकारसमक्ष प्रस्ताव राखेकी छन् ।

ओमान सरकारका कृषि तथा माछापालन मन्त्री हामिद अल सईद अल औफिबीच जुलाई ८ मा सम्पन्न भेटवार्तामा राजदूत ढकालले नेपालको कृषि क्षेत्रमा लगानी गर्न प्रस्ताव गरेकी हुन् ।
राजदूत ढकालले राखेको प्रस्तावलाई ओमान सरकारले सकारात्मक रुपमा लिएको दूतावासले जनाएको छ । नेपाल र ओमान बिचको आपसी हितमा काम गर्न ओमान सरकार सदैव तयार रहेको प्रस्तावको जवाफमा मन्त्री औफीले भनेका छन् ।

नेपालमा कृषि क्षेत्रमा पर्याप्त सम्भावना रहेको र अर्र्गा्निक रुपमा कृषिजन्य उत्पादन गर्न सके विश्व व्यापारिकरण मार्फत बजार पाउने भएकाले पनि ओमानलाई लगानी गर्न राजदूत ढकालले प्रस्ताव गरेकी थिइन् ।

यस अवसरमा नेपालको कृषि तथा जडिबुटी , फलफूल र तरकारी उत्पादनको सम्भाब्यताको बारेमा पनि छलफल भएको ओमानका लागि नेपाली राजदूत ढकालले जानकारी दिएकी छन् ।