हामी सबैकाे संसारन्यूज

९ कात्तिक, काठमाण्डौं । अष्ट ज अभियानले भक्तपुरको दुवाकोटमा श्रद्धान्जलि कार्यक्रमको आयोजना गरेको छ ।

अष्ट ज अभियानका सल्लाहकार शिव अधिकारी तथा अभियन्ता चन्द्र प्रसाद अधिकारी एवं कृष्ण प्रसाद अधिकारी र शंभु प्रसाद अधिकारीकी आमा बालकुमारी अधिकारीको यहि कात्तिक ५ गते निधन भएकोमा आमाको मृत आत्माको चिर शान्तिको कामना गर्दै शोक सन्तप्त परिजारजनमा समवेदना व्यक्त गर्न उहाँहरुको निवासमा श्रद्धान्जलि कार्यक्रमको आयोजना गरिएको हो ।

कार्यक्रममा अभियानका अध्यक्ष लोककृष्ण भट्टराईले आमाप्रति श्रद्धान्जलि र शोकसन्तप्त परिवारजनमा गहिरो समवेदना व्यक्त गरेका थिए भने परिवारका जेष्ठ सुपुत्र तथा अभियानका सल्लाहकार शिव अधिकारीले जन्मदिने आमाको भौतिक शरीर नरहेपनि आमाले जीवनमा दिएको प्रेरणा जीवन व्यवहारमा लागु गर्ने बताएका थिए ।

कार्यक्रममा अभियानका अध्यक्ष भट्टराई, महासचिव निलकण्ठ तिवारी, अभियन्ताहरु प्रकाश नेपाल, राजु भट्ट, शिवहरी खनाल, जीवन शर्मा, पूर्णचन्द्र लामिछाने र हरिकृष्ण लामिछाने लगायतको उपस्थिति रहेको थियो ।