Sansar News
२८ मंसिर, काठमाण्डौं । हिउँका कारण देशैभरीको जनजीवन प्रभावित भएको छ ।
पश्चिमी वायुको प्रभावका कारण विहिबारदेखि देशका विभिन्न ठाउँमा भएको हिमपात र वर्षाका कारणले जनजीवन प्रभावित हुनुका साथै चिसो ह्वात्तै बढेको छ ।
मुस्ताङको सदरमुकाम जोमसोम बजारमा परेको हिमपात । हिमपात हँुदा मुस्ताङको जनजीवन कष्टकर बन्दै गएको छ भने शुक्रबारदेखि यातायातका साधन बन्द हुँदा स्थानीयवासी समस्यामा परेका छन् । तस्वीर निरज थकाली÷रासस
शुक्रबार दिउँसोदेखि हिमपात हुँदा हिउँले ढाकिएको ताप्लेजुङको हिमाली वस्ति घुन्सा ।
हिमपातबाट करिब डेढ फिट सम्म हिउँ जमेको स्थानीय भनाई छ । तस्वीर सौजन्य : सन्तोष पुर्कुटी-रासस
ओखलढुंगा र सोलुखुम्बुको सिमानामा पर्ने ठाडे र पत्ताले बजार क्षेत्रमा परेको हिउँ । शुक्रबादेखि भएको हिमपात कारण यहाँको जनजीवन प्रभावित बनेको छ । तस्वीर : पूर्णप्रसाद न्यौपाने-रासस
इलाम जिल्लाकै उच्च क्षेत्र मानिने पर्यटकीय क्षेत्र सन्दकपुरमा परेको हिउँ । शुक्रबारदेखि भएको हिमपातका कारण यहाँको जनजीवन प्रभावित भएको छ । तस्बिरः टीका खतिवडा-रासस
वि.सं.२०७६ मंसिर २८ शनिवार १३:३८ मा प्रकाशित
