हामी सबैकाे संसारन्यूज

१७ माघ । चीनको उहान प्रान्त यतिबेला सबैभन्दा बढी सुनिने गरेको छ । ज्यानमारा रोगको रुपमा संसारभर फैलिरहेको नोबेल कोरोना भाइरसको उद्गम मानिएको ठाउँ भएका कारण पनि उहानले सबैको ध्यान तानेको छ । संसारले उहानका लागि प्राथना गरिरहेका छन् भने उहानवासीहरु पनि कोरोना भाइरसबाट आफूलाई सुरक्षित रहेको महुशस गर्न खोजिरहेका छन् । यहि बेला उहानवासीहरुले आफ्नो उहानका लागि मन छुने भिडियो सार्वजनिक गरेका छन् ।

अहिलेसम्म चीनका नेपालीलाई कोरोना संक्रमण नभएको भन्दै राजदूत पौडेलले गरे यस्तो अपिल

उक्त भिडियोमा भनिएको छ ‘यदि उहानलाई मेरो एक दिन चाहियो भने म मेरो सहयोगी हातहरु बढाउन सँधै तयार छु ।’

‘यस्तो उहान मैले कहिल्यै देखेको थिइँन । तर मलाई विश्वास छ, फेरि सुर्यको किरण उदाउने छ यो शहरमा । चेरी फूलहरु फेरि फुल्नेछ । सँधै झैँ बिहानीको खाजामा तातो नुडल्स पाक्नेछ । शहरमा फेरि रौनक छाउने छ । त्यो दिन हामी माक्स बिना खुल्ला भएर हिड्ने छौँ । आफूलाई मन लागेको ठाउँ जानेछौँ, आफन्तलाई भेट्नछौँ।’ भिडियोमा कविता शैलीमा उहानको शान्ति र कोरोना भाइरसबाट मुक्ति खोजिएको सन्देश उल्लेख छ  ।

उहानबाट फैलिएको कोरोना भाइरसका कारण बिहीबार अबेर रातीसम्म यस भाइरसबाट २१३ जनाको मृत्यु भएको र ९ हजार ६९२ जना सङ्क्रमित भएको चिनियाँ स्वास्थ्य अधिकारीहरुले जनाएका छन् । त्यसैगरी यस भाइरसका कारण अस्पताल भर्ना भएका १७१ जना अस्पतालबाट घर फर्किएको जनाइएको छ ।