हामी सबैकाे संसारन्यूज

२४ चैत्र, काठमाडौँ । संसार नै ‘लकडाउन’ गराएको नोबेल कोरोना भाइरस अर्थात् (कोभिड १९) को प्रभाव विश्वका प्राय सबै देशमा परेको छ ।
चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै यो विश्वका २०९ देश पुगिसकेको छ । यतिबेला चीनको बुहान भने पूर्णरुपमा खुलेको छ ।

सन् २०२० अप्रिल ८ बिहान ९.०० बजेसम्मको प्राप्त समाचार अनुसार संसारका १४ लाख ३१ हजार ७ सय ६ मानिसमा कोरोना भाइरस सल्केको छ भने मृत्युको संख्या ८२,०८० पुगेको छ । निको भएर घर फर्किएकाहरु संख्या ३०२,१५० छ भने उपचाररत बिरामीको संख्या १,०४७,४७६ रहेको छ । जसमध्ये ९९९,५८२ को अवस्था मध्यम छ भने ४७,८९४ को स्थिति गम्भिर रहेको छ ।

वल्र्डोमीटरका अनुसार अहिले सबैभन्दा बढी प्रभावित हुनेमा अहिले अमेरिका देखिन्छ । अमेरिकामा मात्रै प्रभावितको संख्या ४००,४१२ पुगेको छ भने १२,८५४ को मृत्यु भएको छ ।

मृत्युदरको हिसाबमा हेर्दा भने इटाली सबैभन्दा बढी प्रभावित देश बनेको छ । अहिलेसम्म १७ हजार १ सय २७ जनाले ज्यान गुमाएका छन् भने प्रभावितको संख्या १ लाख ३५ हजार ५ सय ८६ रहेको छ । कोरोना उत्पत्ति भएको देश चीनमा प्रभावितको संख्या ८१८०२ र मृत्यु संख्या ३३३३ पुगेको छ ।

प्रभावका हिसाबले अमेरिका, स्पेन, इटाली, फ्रान्स, जर्मनी अनि चीन क्रमशः छन् भने मृत्यु संख्याको हिसाबले इटाली पहिलो, स्पेन दोस्रो, अमेरिका तेसो, फ्रान्स चौंथो, बेलायत पाचौँ, इरान छैठौं र चीन सातौँ क्षति व्यहोर्ने देशमा छन् ।

यस्तो छ कोरोना भाइरसको अपडेट तथ्याङ्क :