हामी सबैकाे संसारन्यूज

१२ पुस, काठमाडौं । प्रधानमन्त्रीको सिफारिसमा भएको प्रतिनिधिसभा विघटनविरुद्ध जसपाले आज विरोध र्यालीको आयोजना गरेको छ ।

आज १२ बजे पार्टीका शिर्ष नेताहरुको उपस्तिथिमा रत्नपार्कको शान्ति बाटीकाबाट विरोध र्याली सुरु गरी सम्पन्न हुने पार्टीले जानकारी दिएको छ । उक्त र्यालीमा पार्टीका वरिष्ठ नेताहरु डा. बाबुराम भट्टराई, महन्त ठाकुर, अशोक राई लगायतले सम्बोध गर्ने कार्यक्रम रहेको बताइएको छ ।

पार्टीको पुस ७ गते बसेको केन्द्रीय कार्यकारिणी समितिको बैठकले प्रधानमन्त्रीको असंवैधानिक कदमकाविरुद्ध आन्दोलनका कार्यक्रमहरुको घोषणा गर्दै पुष १० गते जिल्लाका प्रमुख स्थानमा प्रधानमन्त्री एवम् राष्ट्रपतिको पुत्ला दहन गर्ने, ११ गते जिल्ला सदरमुकाम लगायतमा मशाल जुलुस प्रदर्शन र आज (आइतबार) काठमाडौं उपत्यकालगायतका विभिन्न स्थानमा जनप्रदर्शन गर्ने निर्णय गरेको थियो ।

साथै पार्टीले वर्तमान अवस्थामा संविधान अनुसार प्रतिनिधिसभा विघटन अुन नसक्ने अवस्था भएको भन्दै सभामुख अग्नि प्रसाद सापकोटा समक्ष पुगेर संसदको हिउँदे अधिबेशन बोलाउन समेत माग गरेको थियो ।