हामी सबैकाे संसारन्यूज

२९ जेठ, काठमाडौँ । कांग्रेसको केन्द्रीय कार्यसमितिको बैठक आगामी बिहीबारलाई डाकिएको छ ।

नेपाली कांग्रेस केन्द्रीय कार्यसमितिको बैठक २०७८ असार ३ गते बिहीबार दिउँसो २ः०० बजे पार्टीको केन्द्रीय कार्यालय, वीपी स्मृति भवन, ललितपुरमा बस्ने भएको मुख्यसचिव कृष्णप्रसाद पौडेलले जानकारी दिए ।

शनिबार बसेको कांग्रेस पदाधिकारी र पूर्व पदाधिकारीहरुको बैठकको निर्णय अनुसार १४ औँ महाधिवेशनको तयारीका सन्दर्भमा छलफल गर्न केन्द्रीय समितिको बैठक बोलाइएको हो ।

शनिबारको शीर्ष नेताहरूको बैठकले पार्टीको १४ औं महाधिवेशन ९ दिन पर सार्ने प्रस्ताव गरेको छ । यसअघि भदौ ७ देखि १० गतेसम्मका लागि तोकेको महाधिवेशनको मिति भदौ १६ देखि १९ सम्मका लागि सार्ने प्रस्ताव गरेको हो ।