Sansar News
१० असार, काठमाडौं । राष्ट्रपति विद्यादेवी भण्डारीले विभिन्न संवैधानिक निकायमा पदाधिकारी नियुक्त गरेकी छन् ।
राष्ट्रपति भण्डारीले अख्तियार दुरुपयोग अनसन्धान आयोग, लोकसेवा आयोग लगायतका विभिन्न संबैधानिक निकायमा पदाधिकारी नियुक्त गरेकी हुन् ।
बैशाख २६ गते बसेको संबैधानिक परिषद्को बैठकले विभिन्न २० संबैधानिक आयोगमा २० पदाधिकारीको सिफारिस गरे अनुसार राष्ट्रपति भण्डारीले विहीबार लोकसेवा आयोगको अध्यक्षमा माधव प्रसाद रेग्मी झापा, अख्तियार दुरुपयोग अनुसन्धान आयोगको आयुक्तमा डा. हरि पौडेल बाग्लुङ र सुमित्रा श्रेष्ठ (ब्यान्जु) ललितपुर तथा राष्ट्रिय समावेशी आयोगको अध्यक्षमा डा. रामकृष्ण तिमल्सेना, कास्की लगायत अन्य सदस्यहरुको नियुक्ति गरेकी हुन् ।
वि.सं.२०७८ असार १० बिहीवार १६:११ मा प्रकाशित
