Sansar News
११ असार, काठमाडौं । बागमती प्रदेशमा थप ४ जना कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार प्रदेशमा बिहीबार काठमाडौंका ६१ र ३५ वर्षीय २ पुरुष, ललितपुरका ५४ वर्षीय पुरुष र मकवानपुरकी ६२ वर्षीया महिला गरेर ४ जनाको मृत्यु भएको हो । बुधबार ३८ जनाको मृत्यु भएकोमा बिहीबार मृत्यु हुनेको यो संख्या निकै कम हो ।
बिहीबार थपिएका ४ जनासँगै प्रदेशमा हालसम्म मृत्यु हुनेको संख्या ३८०६ रहेको छ ।
त्यस्तै प्रदेशमा बिहीवार पिसीआर र ऐन्टिजेन विधिबाट गरिएको ५,३५० नमुना परीक्षणमा ९०९ जना संक्रमित थपिएका छन् । मन्त्रालयका अनुसार बिहीवार बढी संक्रमित भेटिएका जिल्ला काठमाडौं, नुवाकोट र चितवन रहेका छन् ।
प्रदेशमा हाल २८६ जना आइसीयुमा र ११७ जना भेन्टिलेटरमा उपचाररत छन् भने १०,२०२ जना सक्रिय संक्रमित उपचाररत रहेको मन्त्रालयको विवरणमा उल्लेख छ ।
वि.सं.२०७८ असार ११ शुक्रवार ०९:१८ मा प्रकाशित
