हामी सबैकाे संसारन्यूज

२३ असार, काठमाडौं । सरकारले आन्तरिक उडान पूर्णरुपमा खोल्ने निर्णय गरेको छ । सोमबार बसेको मन्त्रिपरिषदको बैठकले हाल ५० प्रतिशत क्षमतामा भइरहेको उडान संख्यालाई बढाएर शतप्रतिशत बनाउने निर्णय गरेको हो ।

मन्त्रिपरिषदले निर्णय गरेसँगै नागरिक उड्डयन प्राधिकरणले पनि विमानस्थलहरुलाई पूर्णं रुपमा उडान खोल्न निर्देशन दिइसकेको छ । प्राधिकरणका महानिर्देशक राजन पोखरेलले बताएअनुसार सरकारको निर्णय लगत्तै प्राधिकरणले उडान सञ्चालनमा ल्याउन विमानस्थलहरुलाई निर्देश गरेको छ ।

‘सरकारको निर्णयसँगै विमान कम्पनीहरुको मागअनुसार उडान थप गर्नका लागि विमानस्थलहरुलाई निर्देशन दिइसकिएको छ’ पोखरेलले भनेका छन्, ‘विशेष गरी बाढी पहिरोका कारण कैयन यात्रुलाई सडकमार्फत् यात्रा गर्न कठिनाई भइरहेको अवस्थालाई मध्यनजर गर्दै उडान थप गरिएको हो ।’

हाल सरकारले ५० प्रतिशत उडान कटौती गरेको छ । जसका कारण हाल काठमाडौंबाट दैनिक विभिन्न गन्तव्यका लागि ६५ वटा उडान भइरहेको छन् । पूर्णरुममा उडान सञ्चालन हुँदा दैनिक उडान संख्या १६५ सम्म पुग्छ ।