काठमाडौं । नेपाल बार एसोसियसनले बुधवारदेखि तेस्रो चरणको आन्दोलन सुरु गर्ने बताएको छ ।
प्रधानन्यायाधिश चोलेन्द्र शम्सेर जवराको राजीनामाको माग गर्दै विगत २२ दिन देखि चरणबद्ध रुपमा आन्दोलनका विविध कार्यक्रम गर्दै आएको बारले बुधवारदेखि तेस्रो चरणको आन्दोलन शसक्त बनाउने बताएको छ ।
गत शुक्रवारदेखि प्रधानन्यायाधिश जवरालाई सर्वोच्च अदालतभित्र प्रवेशमा रोक लगाउँदै अदालत परिसरमै धर्ना दिएका कानुन व्यवसायीले बुधवारदेखि तेस्रो चरणको आन्दोलन थाल्ने र बुधवार पनि अघिल्ला दिनमा जस्तै २ घण्टा धर्ना दिने कार्यक्रम रहेको बारका अध्यक्ष चण्डेश्वर श्रेष्ठले जानकारी दिएका छन् ।
मंगलवार धर्नामा बसेका कानुन व्यवसायीलाई सम्बोधन गर्ने क्रममा अध्यक्ष श्रेष्ठले प्रधानन्यायाधिशले न्यायपालिकाभित्र विसंगति, विकृति र भ्रष्टाचारलाई प्रश्रय दिएको आरोप लगाउँदै जवराको राजीनामाबाट मात्रै सुधारका कदमहरु अगाडि बढ्न सक्ने बताए ।
उनले भने–उहाँको राजीनामा नआउँदा सम्म हाम्रो आन्दोलन जारी रहन्छ ।’
प्रधानन्यायाधिशको राजीनामाको माग गर्दै कानुन व्यवसायी आज पनि धर्नामा
वि.सं.२०७८ कात्तिक ३० मंगलवार १६:१३ मा प्रकाशित
