Sansar News
काठमाडौं । नेकपा (माओवादी केन्द्र) ले भोली देखि सुरु गर्ने भनेको राष्ट्रिय सम्मेलनलाई महाधिबेशनमा परिणत गर्ने भएको छ ।
पार्टीको शनिवार बेलुका बसेको स्थायी कमिटीको बैठकले राष्ट्रिय सम्मेलनलाई नै महाधिबेशनमा परिणत गर्ने भएको हो । तर, त्यसको औपचारिक निर्णय भने आइतवार बिहान बस्ने केन्द्रीय समितिको बैठकले गर्ने बताइएको छ ।
पार्टीका नेता लीलामणि पोखरेलका अनुसार आज बसेको स्थायी समितिको बैठकले गरेको निर्णयलाई आइतवार बिहान ८ बजे बस्ने केन्द्रीय कमिटीको बैठकमा प्रस्ताव राखिने र कमिटीले अनुमोदन गरे महाधिबेशनमा परिणत हुने र यदि नभएमा राष्ट्रिय सम्मेलन नै यथावत हुनेछ ।
पार्टीका प्रवक्ता कृष्ण बहादुर महराले पनि उक्त विषयमा कुरा गर्दै राष्ट्रिय सम्मेलनप्रति आकर्षक बढेकाले यसलाई महाधिबेशनमा परिणत गर्न लागिएको प्रतिक्रिया दिएका थिए ।
आइतबारदेखि माओवादीको प्रथम राष्ट्रिय सम्मेलन हुँदैछ । सम्मेलन राजधानीको कमलादीस्थित नेपाल प्रज्ञा प्रतिष्ठानमा हुनेछ । प्रवक्ता महराले आइतबार अपराह्न १ बजे सम्मेलन सुरु हुने जानकारी दिए ।
वि.सं.२०७८ पुस १० शनिवार १९:३४ मा प्रकाशित
