हामी सबैकाे संसारन्यूज

स्व. एवाइ प्रभात
सहिदभूमि, धनकुटा

१.
देशको माया छोडेर
विदेशीको दास बने
ऋणको भारी बोकेर ।

२.
बुढेसकालमा सहारा भएन
छु गरिबीको चपेटा
साथमा कोही रहेन ।

३.
सहरको मान्छे हरामी
जसले चेलीबेटीहरू बेच्छ
उसैलाई दिन्छन् सलामी ।

४.
मैले सिलाएको लुगा
लगाएर सधैँ
ताउ लाउँछ जुँगा ।

५.
मुर्ती बनाए मैले
मन्दिर छिर्न पाइएन
हुँला चोखो कैले ?

६.
भ्रष्टको छ सरकार
आवाज सुन्दैन गरिबहरूको
विचित्र छ संसार ।

७.
झिनो आशा मेरो
उजाड हुँदैछ दिनँहु
जिन्दगी सप्रियो तेरो ।

८.
टनकपुर बेचेर खाए
नेताको भर हुँदैन
जनताले सास्ती पाए ।

९.
सधैँ स्वार्थी कुरा
नगर्नू है सबैले
देश बेचेर पूरा ।

१०.
मानव हराएको देशमा
हिंसाको बाटो देख्छ
चमत्कार विदेशी भेषमा ।