हामी सबैकाे संसारन्यूज

राजेन्द्रकुमार वज्राचार्य
कोटेश्वर , काठमाडौँ

पीडा भयो मान्दा प्रथा, यस्तै भयो जीवन
हाँसे सबै ठूलाबडा, यस्तै भयो जीवन

राम्रो सधैँ होला कहाँ, जम्मा गरी द्रव्य
आफू स्वयं स्वार्थी हुँदा, यस्तै भयो जीवन

पैसा सधैँ पैसा भनी, खोज्दै हिँडे मान्छे
देख्दा यहाँ सपना मिठा, यस्तै भयो जीवन

मिथ्या तथा साँचो कुरा, छोपेर छोपिन्न
देखाउँदा आफ्नै कला, यस्तै भयो जीवन

पीडा दिने मान्छे कहाँ बन्ला यहाँ ठूलो
सारा गुमे मेरा गरा, यस्तै भयो जीवन

बहर : रजज मुसम्मन अहज
अर्कान : मुस्तफ्इलुन् , मुस्तफ्इलुन् , मुस्तफ्इलुन् , फैलुन्
वजन : २२१२ – २२१२ – २२१२ – २२
काफियाबन्धन : आ
रदिफ : यस्तै भयो जीवन
अभ्यास : उज्यालो पाठशाला