Sansar News
एकनारायण चापागाईं, दाङ- घोराही
सिकारीले रबर तान्यो गुलेलीको
मरण निश्चित भयो बिचरो जुरेलीको
अनेकौँ फूल छन् वनमा महक छर्दै
मलाई पर्छ मन बास्ना चमेलीको
को को सङ्ग लुकाऊँ प्रेमको बन्धन
चियो गर्दै किरण आयो जुनेलीको
यहाँ तिम्रो कुनै विश्वास नै छैन
भनिन् उनले कुरा सुन्दै सहेलीको
अरूले स्वार्थका निम्ति वचन दिन्छन्
त्यसैले पर्नू भर आफ्नै हतेलीको
बहर : हजज मुसद्दस सालिम
अर्कान: मुफाईलुन , मुफाईलुन् , मुफाईलुन्
वजन: १२२२ – १२२२ – १२२२
कफिया बन्धन : एली
तहलिली रदिफ : को
अभ्यास : स्वर्ण पाठशाला
वि.सं.२०८३ साउन २३ शनिवार ०७:१० मा प्रकाशित
