हामी सबैकाे संसारन्यूज

सुरेशकुमार पाण्डे
घोराही- १८, दाङ

१.
जसको हातमा पावर
छ छुट उसैलाई
बनाउने अग्लो घर ।

२.
देशमा नैतिक भ्रष्टाचार
झाङ्गिदै छ आजभोली
हाम्रा नेताको उपहार ।

३.
कृत्रिम अभाव गरायो
भ्रष्टाचारी धेरै जन्मिए
सारा जनता अघायो ।

४.
लाइनमा बस्दा ग्यास
पाइएन रातभरमा पनि
समयको भयो नास ।

५.
सुन्दर शान्त नेपाल
हरियाली छ जताततै
मधेश पहाड हिमाल ।

६.
पहाड भत्किएर मैदान
हुन्छ नागिरक जुटे
हरेक कुराको समाधान।

७.
हिडौँ सद्भाव बोकी
गाउँ अनि सहरबाट
एकताको ताल ठोकी।

८.
देशलाई बलियो बनाऊँ
रोजगार सिर्जना गरी
पसिना स्वदेशमै खनाऊ ।

९.
हरियाली लाग्छ सुन्दर
हुन्छ स्वास्थ्य उस्तै
आक्सिजनयुक्त यो घर ।

१०.
वृक्ष सबैले रोपौँ
गाउँ, सहरबाट उठी
बाँझो जमिन छोपौँ ।