Sansar News
पुष्पाञ्जलि, इलाम
अँध्यारो मनमा तिमी उदायौ स्वागत गरेँ
वियोगीलाई खुसी दिलायौ स्वागत गरेँ
खडेरीमा तड्पिँदै थियोे बाँझो जिन्दगी
तिमी आयौ प्रेमले भिजायौ स्वागत गरेँ
हृदय यो भारी थियो नयन सोध्थे आत्तिँदै
कुसुम गाँसी सम्झना पठायौ स्वागत गरेँ
म तड्पिन्थेँ शोकले निराशाको बाढीमा
तिमीले प्रेमिल महल बनायौ स्वागत गरेँ
अपुग केही लाग्दथ्यो मलाई श्रृङ्गारमा
टिकीझैँ शिरमा तिमी सुहायौ स्वागत गरेँ
बहर : मुजारे महजूफ
अर्कान : मुफाईलुन् , फाइलुन् , मुफाईलुन् , फाइलुन्
वजन : १२२२ – २१२ / १२२२ – २१२
काफिया : आयौ
रदिफ : स्वागत गरेँ
अभ्यास : उज्यालो पाठशाला
वि.सं.२०८३ साउन २३ शनिवार ०७:१५ मा प्रकाशित
