Sansar News
काठमाडौं । नेपाली काँग्रेसका सभापति गगनकुमार थापाले पार्टीको निर्वाचन ब्यूरोमा स्याङ्जाका दुई जनालाई मनोनीत गरेका छन् ।
उनले स्याङ्जामा पृथक काम गरेर उदाहरणी बनेका प्रकाश तिवारी र तेज विनोद पौडेललाई निर्वाचन ब्यूरोमा मनोनीत गरेका हुन् ।
उपसभापति पुष्पा भुसालको संयोजकत्वमा प्रदेश तथा स्थानीय तह निर्वाचनलाई केन्द्रमा राखेर गठन गरिएको निर्वाचन ब्यूरोमा उनीहरुलाई सदस्यका रूपमा जिम्मेवारी दिइएको हो ।
कार्यवाहक मुख्यसचिव कृष्णप्रसाद दुलालका अनुसार सभापति थापाले नवमनोनीत सदस्यहरुलाई कार्यादेशसमेत प्रदान गरेका थिए ।
निर्वाचन ब्यूरोमा तिवारीसहित अन्य १५ जना सदस्य पनि मनोनीत गरिएको छ । प्रकाश तिवारी ब्युरोमा मनोनीत भएपछि धेरैले परिणाममुखि काम हुनेमा विश्वास व्यक्त गरेका छन् ।
वि.सं.२०८३ जेठ ७ बिहीवार ०८:१९ मा प्रकाशित
