हामी सबैकाे संसारन्यूज

काठमाडौं । जिल्ला प्रशासन कार्यालय सिराहाले जिल्लामा दुई दिनका लागि निशेधाज्ञा जारी गरेको छ ।

जिल्लामा सिके रावत नेतृत्वको जनमत पार्टीले केही दिनदेखि बन्द हड्ताल र चक्काजाम लगायतका गतिबिधि गरेकोले सम्भावित जोखिमलाई मध्यनजर गर्दै २ दिनका लागि निशेधाज्ञा जारी गरिएको पत्रमा उल्लेख छ ।

जिल्ला प्रशासन कार्यालय सिराहाले सोमबार एक सूचना जारी गर्दै मंगलवार र बुधबार विहान ५ बजेदेखि बेलुका ७ बजेसम्म कुनै किसीमको भेला हुन, बाहिर हिँडडुल गर्न तथा राजनीतिक सभा तथा गतिबिधि गर्न नपाउने गरी स्थानीय प्रशासन ऐन २०७८ को दफा ६ (२) र (३) बमोजिम विभिन्न क्षेत्रमा निशेधाज्ञा जारी गरेको बताइएको छ ।

उक्त अवधिभर राष्ट्रिय लोकमार्ग र सिराहा चोहर्वा सडक खण्डमा यातायात सुचारु रहने बताउँदै निशेधाज्ञाको आदेश उल्लंघन गर्नेलाई सुरक्षामा खटिएका सुरक्षाकर्मीले आवस्यकता अनुसार कानून बमोजिम कारबाही गरिने पनि उक्त सूचनामा उल्लेख छ ।