हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी (राप्रपा) ले नेपाली भूमिमाथि भारतीय हस्तक्षेपमा नेपाल सरकार र सत्तारुढ दलहरुको मौनता दुःखद र रहस्यमयी रहेको बताएको छ ।

राप्रपाका महामन्त्री भुवन पाठकद्धारा शनिवार एक विज्ञप्तिमा कालापानी, लिपुलेक नेपाली भूमि रहेको र आफ्नो भूमिमाथि भइरहेको अतिक्रमण र हस्तक्षेपका विरुद्ध नेपाल सरकारले प्रतिवाद गर्नुपर्ने समेत बताइएको छ ।

‘नेपाली भूमिमा लिपुलेक कालापानी क्षेत्रमा भारतले एकतर्फी रुपमा सडक निर्माण गरिरहेको र केही दिनअघि भारतीय प्रधानमन्त्री नरेन्द्र मोदीले सो कुराको खुलासा गर्नुभएको विषय गम्भीर, आपत्तिजनक र नेपाली सार्वभौमिकताको विरुद्धमा छ ।’ विज्ञप्तिमा भनिएको छ ।

सरकारले भारतसँग कुटनैतिक र राजनीतिक तहमा संवाद गरी अविलम्ब निर्माण कार्य रोक्न र आफ्नो भूमिको रक्षा हुने गरि समाधान निकाल्न समेत माग सो पार्टीले माग गरेको छ ।