हामी सबैकाे संसारन्यूज

काठमाडौं । निर्वाचन आयोगले उम्मेदवारी फिर्ता लिन भन्दै डर धम्की धम्की, धरपकड र प्रलोभन देखाएको भन्दै ध्यानाकर्षण भएको जनाएको छ ।

स्थानीयतह निर्वाचनका लागि आयोगमा मनोनयन दर्ता गराएका कतिपय उम्मेदवारहरुलाई मनोनयन फिर्ता गराउनका लागि डर, धम्की, धरपकड र प्रलोभन देखाएको भन्ने सूचना तथा जानकारी आयोगमा आएको भन्दै आयोगले यस्तो आग्रह गरेको हो ।

यस्ता गतिबिधिले संविधान र प्रचलित कानून बमोजिम योग्यता पुगेका कुनै पनि नेपाली नागरिकले राजनीतिमा भाग लिन, उम्मेदवारी दर्ता गर्न निर्वाचित हुन र शासकिय प्रणालीमा संलग्न हुन पाउने नैसर्गिक संबैधानिक एवम् कानुनी अधिकार कुण्ठित हुन जाने भएकोले निर्वाचनलाई प्रभाव पार्ने यस्ता गतिबिधि जुनसुकै प्रकृति र मात्राको भएपनि त्यसले संविधान, कानुन र लोकतन्त्र माथि आघात पुर्याउने भएकोले यस्ता हर्कत नगर्न र नगराउन आयोग सरोकारवालाहरु सबैप्रति आग्रह गर्दछ ।’आयोगद्धारा जारी विज्ञप्तिमा भनिएको छ ।