हामी सबैकाे संसारन्यूज

काठमाडौं । हाल नेपालमा पूर्वी भू–भागमा मनसुनी वायुको सामान्य प्रभाव र मध्य तथा पश्चिमी भू–भागमा स्थानीय वायुको तथा भारतको उत्तर प्रदेश र बिहारमा रहेको पूर्व–पश्चिमी न्यून चापीय रेखाको प्रभाव रहेको छ ।

मौसम पूर्वानुमान महाशाखाका अनुसार आज प्रदेश १, मधेश प्रदेश, बागमती प्रदेश, गण्डकी प्रदेशका केही स्थानहरुमा तथा कर्णाली र लुम्बिनी प्रदेशका एक वा दुई स्थानहरुमा हल्कादेखि मध्यम वर्षाको सम्भावना रहेको छ ।

त्यस्तै राति पनि प्रदेश १, मधेश प्रदेश, बागमती प्रदेश र गण्डकी प्रदेशका केही स्थानहरुमा मेघ गर्जन / चट्याङ्ग सहित हल्का देखि मध्यम वर्षाको सम्भावना रहेको महाशाखाले जनाएको छ ।

यी नदीको बहाव बढ्ने
त्यसैगरी आगामी ३ दिन प्रमुख नदीमा बहाव सतर्कता तह भन्दा तलै रहने हुनाले नदीतटिय क्षेत्रका कार्य सजगताको साथ गर्न सकिने बताइएको छ ।

त्यसैगरी आज ईलाम, झापा, मोरङ, सुनसरी, उदयपुर, ओखलढुङ्गा, काभ्रेपलाञ्चोक, तनहुँ, स्याङजा र आसपास भई बहने केही स–साना नदीहरुमा आकस्मिक वहाव बढ्न सक्ने पनि बाढी पूर्वानुमान महाशाखाले जनाएको छ ।