Sansar News
काठमाडौं । नेपाली कांग्रेसको केन्द्रीय कार्य सम्पादन समितिको बैठक बस्दै आज बस्दैछ ।
दिउँसो ३ बजे पार्टीको केन्द्रीय कार्यालय ललितपुरमा बस्ने उक्त बैठकमा कार्य सम्पादन समितिका पदाधिकारी एवं सदस्यहरुको अनिवार्य उपस्थितिका लागि अनुरोध गरिएको मुख्यसचिव कृष्णप्रसाद पौडेलद्धारा जारी विज्ञप्तिमा जनाइएको छ ।
उक्त बैठकमा संसदीय दलको निर्वाचन, नयाँ सरकार गठन लगायतका विषयमा छलफल हुने बताइएको छ ।
शनिबार पार्टीका सभापति शेरबहादुर देउवाले नवनिर्वाचित सांसदहरुको भेला बोलाएका थिए । उक्त भेलामा बधाई कार्यक्रमका साथै संसदीय दलको नेता चयनका विषयमा समेत नेताहरुबीच छलफल भएको बताइएको छ ।
वि.सं.२०७९ पुस ३ आइतवार ०९:१८ मा प्रकाशित
