हामी सबैकाे संसारन्यूज

काठमाडौं । सुदूरपश्चिम प्रदेशका नवनियुक्त मुख्यमन्त्री कमलबहादुर शाहले मुख्यमन्त्रीको पद तथा गोपनियताको सपथ ग्रहण गरेका छन् ।

यसअघि गठबन्धनका तर्फबाट मुख्यमन्त्री बनेका एमालेका नेता राजेन्द्र रावलको बिहीबार मुख्यमन्त्री पद गुमेपछि नेपाली कांग्रेस संसदीय दलका नेता शाह बिहीबारै मुख्यमन्त्रीमा नियुक्त भएका थिए ।

शाहलाई शुक्रबार प्रदेश प्रदेश प्रमुख देवराज जोशीले पद तथा गोपनियताको शपथ खुवाएका हुन् ।

साहले आज मुख्यमन्त्रीको सपथ लिएसँगै सानो आकारको मन्त्रिमण्डल समेत विस्तार गरेका छन् । केन्द्रमा सरकारलाई समर्थन दिएपनि सरकारमा सहभागी नभएको एकिकृत समाजवादीले सुदूरपश्चिम सरकारमा भने मन्त्री पद लिएको छ ।

मुख्यमन्त्री शाहले कांग्रेसका सांसद प्रकाश देउवालाई भौतिक पूर्वाधार विकास मन्त्री बनाएका छन् । उनी कांग्रेस सभापति शेरबहादुर देउवाका भतिजा हुन् । साथै एकिकृत समाजवादीका नरेश शाहीलाई आन्तरिक मामिला तथा कानुन मन्त्रीमा नियुक्त गरेका छन्  । यो सँगै नेकपा एकिकृत समाजवादी सुदूरपश्चिमबाट सत्तामा प्रवेश गरेको छ ।