हामी सबैकाे संसारन्यूज

काठमाडौं । पूर्वराजा ज्ञानेन्द्र शाहले लामो विरासत बोकेको राजनीतिक दल र एतिहासिक विरासत बोकेको राजसंस्थावीच सहकार्य गनुपर्ने बताएका छन् ।

प्रजातन्त्र दिवसको अवसरमा आइतबार शुभकामना दिँदै शाहले भनेका छन् ‘अब यो देश जोगाउन प्रजातन्त्रको लागि अपरिहार्य राजनीतिक दलहरु र लामो समय देशभक्तिपूर्ण एतिहासिक विरासत बोकेको राजसंस्था आएर आपसी विश्वासका साथ सहकार्यको लागि विलम्ब गर्नु हुँदैन ।’

शाहले नेपालको अत्याधिक बहुसंख्यक जनताले चाहेको निर्णय स्वीकार्ने आफ्नो वंशको परम्परा र संस्कार रहेको बताउँदै शोकाकूल अवस्थाको अत्यन्तै प्रतिकुल पलहरुमा पनि आफुहरुले सम्यमता र देशभक्ति नगुमाएको सन्देशमा भनेका छन् ।

‘र देश छोडेर पनि गएनौं । तर नेपालको निरन्तर अधोगति प्रति अब हामी मौन रहन सक्दैनौं । यी यावत वर्षहरुमा देशको दीर्घकालीन शान्ति, स्थिरता र अन्तराष्ट्रिय सम्मान र सार्वभौमिकतामा चिरा चिरा पर्न थालेको छ ।’ उनले भनेका छन् ।

उनले राजनीतिक दलका नेताहरु देश र जनता भन्दा दलगत, पारिवारिक र व्यक्तिगत लोभ र लालचको जन्जालमा फसेको आरोप लगाउँद्यै तिनका धेरै कार्यकर्ताहरुमा राजनीतिक छत्रछाया नभइ जीवनमा केही हासिल गर्न सकिदैन भन्ने मनोभाव विकसित गरिएको समेत उनले बताएका छन् ।