Sansar News
काठमाडौं । नेपाली कांग्रेसका नेता तथा सांसद चन्द्र भण्डारी खतरा मुक्त भएका छन् ।
गत बुधबार बुद्धागरस्थित आफ्नै घरमा ग्यास लिक भएर भएको दुर्घटनामा गम्भीर घाईते भएका डा. भण्डारीको अवस्था खतरामुक्त रहेको नेता भण्डारीको उपचारमा मुम्बई नेशनल बर्न सेन्टरमा सँगै रहेका योगराज कंडेलले जानकारी दिएका छन् ।
कंडेलले आइविसियुमा भण्डारीको उपचारमा खटिएका डा. प्रशान्त महाराणेले नेता भण्डारीको अवस्था नर्मल रहेको जानकारी दिएको कंडेलले बताएका छन् ।
उपचार गराइरहेका भण्डारीलाई क्याविन नं. ८ मा पुगेर भेटेका कंडेलले भनेका छन् ‘भित्र गएर हेर्दा चन्द्र दाईले मलाई दुवै आँखाले लामो समय हेरेको हेर्यै गर्नु भो । हात उठाउन खोज्ने, टाउको उठाउन खोज्ने धेरै कुरा गर्न मन गरे जस्तो भान हुन्थ्यो । अनि डा. र अन्य नर्सलाई हेर्नु भो ।’ कंडेलले लेखेका छन् ।
वि.सं.२०७९ फागुन ७ आइतवार ०९:३५ मा प्रकाशित
