हामी सबैकाे संसारन्यूज

काठमाडौं । उपराष्ट्रपतिको उम्मेदवार टुंगो लगाउन सत्ता साझेदार दलहरुको बैठक बस्दैछ ।

आज बिहान नौ बजेदेखि उपराष्ट्रपतिको उम्मेदवार मनोनयन दर्ता गर्ने कार्यक्रम रहेको र त्यस अगावै सत्ता साझेदार दलको बैठक प्रधानमन्त्री निवास बालुवाटारमा विहान साढे ८ बजे बस्न लागेको हो ।

आगामी चैत ३ गतेका लागि तोकिएको उपराष्ट्रपति निर्वाचनका लागि सत्ता साझेदार दलहरु, नेकपा एमाले लगायतका विभिन्न राजनीतिक दलहरु आ–आफ्नो पार्टीको बैठक बसेर उम्मेदवारको टुंगो लगाउँदै छन् ।

यसअघि सत्ता साझेदार दलहरुबीच उपराष्ट्रपति पद जनता समाजवादी पार्टी (जसपा) ले पाउने बताइए पनि त्यसको टुंगो लागिसकेको छैन । यद्यपी जसपाले संसदीय दलका नेता रामसहाय यादवलाई उपराष्ट्रपतिको उम्मेदवार बनाउने निर्णय गरेको छ ।