Sansar News
काठमाडौं । विपक्षी दल राष्ट्रिय स्वतन्त्र पार्टी (रास्वपा)को अवरोधपछि संसद बैठक स्थगित भएको छ ।
निर्वाचन आयोगको जिल्लास्थित निर्वाचन कार्यालय खारेज गर्ने निर्णय सच्याउन माग गर्दै रास्वपाले संसदमा अवरोध गरेको थियो । रास्वपाले सरकारबाट निर्वाचन कार्यालय खारेजको निर्णय फिर्ता नभएसम्म संसद चल्न नदिने भनेको छ ।
रास्वपाका प्रमुख सचेतक सन्तोष परियारले सरकारबाट जवाफ नआई संसद चल्न नदिने स्पष्ट पारेका छन् । “यो विषय सच्याउनुपर्छ, नसच्याई संसद अगाडि बढ्न सक्दैन”, संसदमा उनले भनेका छन् ।
रास्वपाको अवरोधलाई प्रमुख प्रतिपक्षी नेकपा (एमाले)ले पनि सघाएको थियो । दुवै दलको अवरोधपछि सभामुख देवराज घिमिरे संसद बैठक स्थगित गरेका छन् ।
वि.सं.२०८० असार १२ मंगलवार १२:०० मा प्रकाशित
