Sansar News
भरतपुर (चितवन) । संस्कृति, पर्यटन तथा नागरिक उड्डयनमन्त्री सुदन किरातीले चेपाङ समुदायलाई न्यानो कपडा (ब्ल्याङकेट) वितरण गरेका छन् ।
चितवनको इच्छाकामना गाउँपालिका १ सप्रेनीका १६ चेपाङ परिवारलाई उनले दुईरदुई वटा ब्ल्याङकेट वितरण गरेका हुन् ।
सोमबार चेपाङ बस्तीमै पुगेर उनले आफ्नो पुस्तकको बिक्रीबाट उठेको रकमबाट चेपाङ समुदायलाई सहयोग गरेको जानकारी दिए ।
त्यसक्रममा उनले चेपाङ जातीको भाषा र संस्कृति जोगाउन आवश्यक रहेको बताए। ‘चेपाङ समुदाय मागेर खाने समुदाय मात्र होइन’, उनले भने, ‘चेपाङ संस्कृति पर्यटन र आयआर्जनसँग जोडेर देशलाई संमृद्धि बनाउने समुदाय पनि हो ।’
सरकारले अल्पसंख्यक, सिमान्तकृत जनजातिको भाषा,संस्कृति संरक्षणका लागि विषेश प्राथमिकता दिने उनले बताए ।
मन्त्री किरातीले चेपाङ संस्कृति जोगाउन अतुलनीय योगदान पु¥याएवापत भोटे बहादुर चेपाङ र बाबरी चेपाङलाई नगद पाँच÷पाँच हजार सहित सम्मान गरे । सो अवसरमा भोटेबहादुर चेपाङले ढ्याङग्रो बजाएर मन्त्री किरातीलाई आफ्नो संस्कृति देखाएका थिए ।
इच्छाकामना गाउँपालिकाका अध्यक्ष दानबहादुर गुरुङले चेपाङको अवस्था र इच्छाकामनामा पर्यटन सम्भावनाका बारेमा मन्त्री किरातीलाई जानकारी गराए ।
मन्त्री किरातीले इच्छाकामनाका चेपाङ समुदायलाई लक्षित गरेर पर्यटनका ‘प्याकेज’का कार्यक्रम ल्याउने बताए । मन्त्री किरतीले चेपाङ समुदायसँग देउसी भैलो पनि खेलेका छन् ।
वि.सं.२०८० कात्तिक २८ मंगलवार १०:३३ मा प्रकाशित
