हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा) का मन्त्रीहरुले आफ्नो सम्पत्ति सार्वजनिक गरिदिन भन्दै प्रधानमन्त्री तथा मन्त्रीपरिषद् कार्यालयमा पत्राचार गरेका छन् ।

सम्पत्ती विवरण सार्वजनिक गरिदिन भन्दै पत्राचार गर्नेहरुमा उपप्रधान तथा गृहमन्त्री रवि लामिछाने श्रम, रोजगार तथा सामाजिक सुरक्षा मन्त्री डोल प्रसाद अर्याल, शिक्षा विज्ञान तथा प्रविधि मन्त्री सुमना श्रेष्ठ र युवा तथा खेलकुदमन्त्री विराजभक्त श्रेष्ठ रहेका छन् ।

उनीहरुले वेग्ला वेग्लै पत्र लेखेर मन्त्रिपरिषद् कार्यालयमा बुझाएको आफुहरुको सम्पत्ती विवरण नागरिक तथा संचारमाध्यमको जानकारीका लागि सार्वजनिक गरिदिन पत्राचार गरेका हुन् ।

‘मन्त्रीका रुपमा नियुक्त भएपछि प्रधानमन्त्री तथा मन्त्रिपरिषद् कार्यालयमा मैले बुझाएको सम्पत्ति विवरण सार्वजनिक गरिदिनुहुन अनुरोध गर्दछु ।’ उनीहरुद्वारा गरिएको पत्राचारमा उल्लेख छ ।