हामी सबैकाे संसारन्यूज

काठमाडौँ । अनेरास्ववियू (क्रान्तिकारी) गण्डकी प्रदेश समितिको अध्यक्षमा त्रिदिप गुरुङ निर्वाचित भएका छन् । संगठनको दोस्रो गण्डकी प्रदेश सम्मेलनले गुरुङ अध्यक्ष रहने गरी ७५ सदस्सीय प्रदेश समिति गठन गरेको छ ।

समितिको खुल्लातर्फको उपाध्यक्षमा वसन्त भट्टचन्द, सरोजबल्ब भट्टराई, अशोक मरख्खा छन् । समावेशी उपाध्यक्षमा कुल बहादुर बुढा ‘प्रेम’, महिला उपाध्यक्षमा सिता बराल चयन भएका छन् । यस्तै प्रमुख सचिवमा सुजन बास्तोला, खुल्ला सचिवमा प्रदीप ढकाल, विशद उपाध्याय, सन्दीप महतो, महिला सचिवमा जुना तामाङ, समावेशी सचिवमा दुर्गा विक, कोषाध्यक्षमा अनिल सुनार छन् भने बाँकी सदस्यमा चयन भएका छन् ।

सम्मेलनमा नेकपा माओवादी केन्द्र गण्डकी प्रदेश इन्चार्ज दिनानथ शर्माले विद्यार्थी संगठनका नेताका काँधमा भोलीका देशको नेतृत्व गर्ने जिम्मेवारी भएकाले गतिशील र क्रान्तिकारी संगठनमा गोलबन्द हुनुपर्ने बताए । उनले गण्डकी प्रदेशमा भएका सम्पूर्ण विद्यार्थीहरूलाई अखिल क्रान्तिकारीमा जोडन आग्रह गर्दै विद्यार्थीको हित र रक्षाका लागि अखिल क्रान्तिकारी नै लड्न सक्ने बताए ।

अध्यक्षमा निर्वाचन पश्चात् अध्यक्ष त्रिदिप गुरुङले सङ्गठनलाई एकताबद्ध र मज्वुत बनाएर लैजाने प्रतिबद्धता जनाए । उनले वास्तविक विद्यार्थी र सङ्गठनबिचको अन्तरलाई चिर्ने उद्घोष गर्दै गुट र उपगुटको मनोविज्ञानलाई निस्तेज पार्ने बताए ।