Sansar News
काठमाडौँ । काभ्रेको बनेपा स्थित एक होटेलमा युवती मृत भेटिएकी छन् । बनेपा नगरपालिका–८ मा रहेको भ्यु पाहुना घर होटेलमा सोही नगरपालिका–६ सुडोल निवासी शर्मिला श्रेष्ठ बिहीबार साँझ मृत भेटिएकी हुन् ।
होटेलको दोस्रो तलामा रहेको कोठा नम्बर ११५ मा ती युवती मृत भेटिएकी थिइन् । दुई वटा बेड भएको त्यो कोठाको एउटा बेडको बिचमा उनको शव फेला परेको थियो ।
युवतीसँगै होटेलमा गएका रामेछापका एक युवक करिब २५ मिनेटपछि कोठाबाट निस्किएको तथ्य फेला परेको प्रहरीले जनाएको छ । ती युवक अहिले फरार छन् ।
युवती बनेपाकै एक मेडिकलमा कार्यरत रहेको स्थानीयको भनाई छ । युवतीको हत्या भएको हो या आफै निधन भएको हो भन्ने खुलेको छैन । घटनाको सन्दर्भमा प्रहरीले अनुसन्धान जारी राखेको छ ।
वि.सं.२०८१ फागुन १६ शुक्रवार १२:३२ मा प्रकाशित
