हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा)ले संघीय मामिला तथा सामान्य प्रशासन मन्त्री राजकुमार गुप्ताले राजीनमा दिएर मात्रै नपुग्ने बताएको छ ।

आज बसेको प्रतिनिधिसभा बैठकको सुरुमै बोलेका रास्वपा सांसद शिव नेपालीले मन्त्री राजकुमार गुप्ताले राजीनामा दिएर मात्रै नपुग्ने भन्दै उनी मुछिएको घूस काण्डमा सत्य तथ्य छानबिन हुनुपर्ने बताए ।

मन्त्री गुप्ताले राजीनामा दिएर नैतिकता देखाए पनि गृहमन्त्री रमेश लेखकले आफूमाथि प्रश्न उठ्दा पनि राजीनामा नदिएर पद लोलुपता देखाएको बताए । उनले गृहमन्त्री लेखकले कहिले राजीनामा दिन्छन् भनेर प्रश्न गरे । रास्वपाले गत जेठ १३ गतेदेखि गृहमन्त्रीको राजीनामा माग गर्दै सदन अवरोध गर्दै आइरहेको छ ।