बहुुचर्चित लोक गायक यज्ञ सापकोटाको घर झगडा–८ सार्बजनिक भएको छ । अकलादेवी म्युजिक कम्पनीको प्रस्तुतिमा मंगलवार यज्ञ सापकोटा अफिसियल युटुव च्यानल मार्फत घरझगडा–८ सार्बजनिक भएको हो ।
गायक सापकोटाले प्रत्येक वर्ष आउने हिन्दू नेपाली नारीहरुकाो महान पर्व हरितालिका तीजलाई लक्षित गर्दै फरक फरक कथाबस्तुमा घरझगडाका नयाँ नयाँ भागलाई बजारमा ल्याउने गरेका छन् ।
यसपटक सापकोटाले बजारमा ल्याएको गीतमा प्रदेशी श्रीमान् र घरमै बसेर पश्चिमा संस्कृतिलाई अगालेकी श्रीमतीको कथाव्यथा देखाउन खोजिएको छ । गीतमा विदेशी श्रमान् स्वदेश फर्किएपछि परिवारमा देखिएकाे खटपट उतार्न खाेजिएकाे छ ।
यज्ञ सापकोटा, टिका सानु, उदयराज डुम्रे र सुमन थापाको स्वर रहेको गीतको संगित संयोजन यमन थापाले गरेका छन् । ओजन स्टुडियोमा रेकर्ड गरिएको गीतको मिक्सिङ मास्टरिङ विनोद परियारको छ भने भिडियोमा कथा निर्देशन मदन खड्काले गरेका छन् ।
यज्ञ सापकोटा, सुशिला थापा, टंक डुम्रे, अनिता थापा, कुमार भारती, गीताञ्जली योगी रेसुना गौतम, आयुष गौतमको अभिनय रहेको गीतको सिनेम्याटोग्राफर टंक केसी एण्ड टिम हुन् । दृश्य सम्पादन तथा कलर ग्रेडिङ सुजन कोइरालाले गरेका छन् ।
वि.सं.२०८२ साउन ६ मंगलवार १८:२१ मा प्रकाशित
