Sansar News
काठमाडौँ । पूर्वराष्ट्रपति विद्यादेवी भण्डारी, नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ र एकीकृत समाजवादीका सम्मानित नेता झलनाथ खनाल एकै मञ्चमा देखिने भएका छन् ।
आउँदो शनिबार ती तीन नेताहरु एक पुस्तक विमोचन कार्यक्रममा सहभागी हुन लागेका हुन् । नेकपाका संस्थापक महासचिव पुष्पलालको ४७ औँ स्मृति दिवसको अवसरमा आयोजित पुष्पलालका अनुयायी एवं पुराना कम्युनिस्ट नेता लोककृष्ण भट्टराईद्वारा लिखित पुस्तक ‘निर्वासन’ को लोकार्पण हुँदैछ ।
लेखक भट्टराइका अनुसार पूर्वराष्ट्रपति भण्डारीका साथ प्रचण्ड र खनालले संयुक्त रुपमा पुस्तकको विमोचन गर्ने भएका छन् । कार्यक्रममा एमाले उपाध्यक्ष युवराज ज्ञवालीपनि अतिथिको रुपमा सहभागी हुने भएका छन् ।
एमालेको सक्रिय राजनीतिमा प्रवेश गरेको घोषणा गरेकी भण्डारीले प्रचण्ड र खनालसँग पहिलोपटक मञ्च ‘सेयर’ गर्दैछिन् ।
वि.सं.२०८२ साउन ६ मंगलवार १७:४० मा प्रकाशित
