हामी सबैकाे संसारन्यूज

काठमाडौँ । चर्चित हास्य कलाकार, अभिनेत्री तथा सफल चलचित्र निर्देशक दीपाश्री निरौलाको मस्तिष्कको ट्युमरको सफलतापूर्वक शल्यक्रिया सम्पन्न भएको छ ।

निर्देशक तथा कलाकार दिपक राज गिरीले चलचित्र निर्देशक निरौलाको मस्तिष्कको ट्युमरको शल्यक्रिया सफल भएको भन्दै फेसबुकमा भावुक स्टाटस लेखेका हुन् ।

निर्देशक गिरीका अनुसार, हालै एक चलचित्रको छायाङ्कन (सुटिङ) भइरहेका बेला दीपाश्रीको स्वास्थ्यमा अचानक समस्या देखिएको थियो । त्यसलगत्तै गरिएको स्वास्थ्य परीक्षणका क्रममा उनको दिमागमा ट्युमर रहेको पत्ता लागेको हो । यो खबरले सुरुमा निर्माण टोली र परिवारलाई निकै अन्योल र स्तब्ध बनाएको थियो भने चिकित्सकहरूले ढिला नगरी तुरुन्तै शल्यक्रिया गर्नुपर्ने सुझाव दिएका थिए ।

रोग पत्ता लागेपछि उनलाई थप उपचारका लागि भारत लैजाने विषयमा धेरै तर्फबाट सल्लाह र सुझावहरू आएका थिए। तर, नेपालकै स्वास्थ्य क्षेत्र र यहाँका डाक्टरमाथि भरोसा राख्दै अन्ततः नेपालमै शल्यक्रिया गराउने निर्णय गरिएको थियो । माइतीघरस्थित अन्नपूर्ण न्यूरो अस्पतालमा नेपालका वरिष्ठ तथा अनुभवी न्यूरो सर्जन डा. बसन्त पन्तको नेतृत्वमा रहेको चिकित्सक टोलीले उनको सफल शल्यक्रिया गरेको हो ।

हाल निरौलालाई सघन उपचार कक्षबाट जनरल वार्डमा सारिएको छ र उनको स्वास्थ्य अवस्थामा क्रमिक रूपमा राम्रो सुधार भइरहेको छ ।

गिरीले लेखे यस्तो भावुक स्टाटस ” यो साता हाम्रो लागि निक्कै चुनौतीपूर्ण र कठिन समय रह्यो !