Sansar News
एकनारायण चापागाईं,दाङ
तिमीलाई कङ्गाल कसले बनायो
म सोद्धै छु बेहाल कसले बनायो
थिए मिल्न खोज्दै तिनै दाजुभाइ
ती मनभित्र पर्खाल कसले बनायो
अनेकौं विवादित कथन लेख राख्दै
कुरुक्षेत्र सञ्जाल कसले बनायो
जता हेर्छु सुन्दर बनाएको मूर्ति
कला चित्र पञ्चाल कसले बनायो
छ जो भ्रष्ट धेरै उसैलाई बोकी
मुलुकभित्र नरपाल कसले बनायो
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : आल
रदिफ : बनायो
अभ्यास : हाम्रो गजल पाठशाला
वि.सं.२०८२ माघ २४ शनिवार ०५:४७ मा प्रकाशित
