Sansar News
सिर्जना खनाल,भैरहवा, रूपन्देही
कसैको प्रतीक्षाको पाना छ मनमा
नसोच्नू तिमीले फलाना छ मनमा
भयो के कसो कुन बखत भन्न सक्छौ
सबै बुझ्न खोज्ने तराना छ मनमा
छ विश्वास उस्तै फरक छैन केही
बफादारको हद सिमाना छ मनमा
नजरमा थियौ छौ हुनेछौ नठान्नू
नजर मोड्न तत्पर बहाना छ मनमा
समयले जुरायो समयमै छुटायो
विगतभित्र पस्ने निसाना छ मनमा
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया बन्धन : आना
रदिफ : छ मनमा
अभ्यास : उज्यालो पाठशाला
वि.सं.२०८२ माघ २४ शनिवार ०५:४२ मा प्रकाशित
