Sansar News
ताप्लेजुङ, १९ साउन । जिल्ला समन्वय समितिमा नेकपा (एमाले)को समूह नै विजयी भएको छ ।
जिससका लागि आज भएको निर्वाचनमा एमालेका तर्फबाट सभापतिका उम्मेदवार घनेन्द्र मादेन १२ मतसहित विजयी हुनुभएको हो । उहाँका निकटतम प्रतिद्वन्द्वी नेपाली कांग्रेसका सुरेन्द्र इवारमले छ मत प्राप्त गर्नुभयो ।
उपसभापतिमा एमालेकी देवीमाया नेपाली १० मतका साथ विजयी हुनुभयो । उहाँका निकटतम प्रतिद्वन्द्वी कांग्रेसकी गीता सेन्दाङले आठ मत प्राप्त गर्नुभएको मुख्य निर्वाचन अधिकृत अशोककुमार बस्नेतले बताउनुभयो । सदस्यमा कमला दमार्इं, कृष्ण कुमारी गुरुङ, गौरीमाया लिम्बू, रामकुमारी लिम्बू, चिरेन्द्रकुमार लाबुङ लिम्बू, पुण्यप्रसाद खतिवडा, लक्ष्मण लिम्बू र निमातेन्जी शेर्पाले १०÷१० मत ल्याएर विजयी हुनुभएको छ । रासस
वि.सं.२०७४ साउन १९ बिहीवार १४:१० मा प्रकाशित
