हामी सबैकाे संसारन्यूज

११ कात्तिक, काठमाडौँ । क्रियाशील सदस्यता वितरण र नवीकरण , सांसदबाट महिनैपिच्छे आएको काटिने लेबीबाट चल्दै आएको कांग्रेसको आर्थिक कोष मनपरी चलेको खबर आजको नयाँ पत्रिका दैनिकले छापेको छ ।
महाधिवेशनबाट प्रत्यक्ष निर्वाचित कोषाध्यक्ष सीतादेवी यादवको प्रतिवाद हुदा हुदै पनि रकम निकाल्ने गरिएको छ । कांग्रेसको नियमावली अनुसार पार्टीको कोष सञ्चालन कोषाध्यक्षले समिति बनाएर गर्ने भन्ने छ ।
सचिवालयका सदस्यका अनुसार खाता सञ्चालनका लागि कोषाध्यासहित महामन्त्री डाक्टर शशांक कोईराला, केन्द्रिय कार्यालयका मूख्यसचिव कृष्ण्प्रसाद पौडेलको हस्ताक्षर चल्छ । दसैं अघि विभिन्न बैंकमा रहेको रकममध्येबाट फिक्स्ड डिपोजिटबाट ५० लाख भन्दा बढी रकम निकालिएको छ । सुरुमा ४२ लाख रुपैयाँ खर्च देखाउदै हस्ताक्षर गर्न कोषाध्यक्ष यादवलाई सचिवालयका सदस्यले आग्रह गरेका थिए । यादवले पहिले पनि पेस्की लिएर गरिएका खर्चका हिसाबहरु अपारदर्शी भएको भन्दै पुराना खर्चको विवरण मागेकी थिईन् । सचिवालयका कर्मचारीले कोषाध्यक्षलाई विवरण देखाउनुको सट्टा महामन्त्री शशांक कोईरालामार्फत मनाउन खोजे ।