Sansar News
पिँडालु पण्डित, नुवाकोट
१.
खाए शपथ
सबै बिर्से लुँड्याए
भयो कुफत ।
२.
जता पाइन्छ
आशक्ति छ पदको
त्यतै जाइन्छ ।
३.
जाऊ जितेर
सोझासाझा जनता
खाऊ मिचेर ।
४.
जे छ पदै छ
दायाँ बायाँ जान्दिनँ
लोभ सधैँ छ ।
५.
देख्छु सपना
मनमनै रमायो
दुख्छ विपना ।
६.
पद बढ्दै छ
नेता हुँ म भन्नेको
कद घट्दै छ ।
७.
पार्टी फुटाएँ
सुको कतै झरेन
फेरि जुटाएँ ।
८.
सत्ता सयर
यौटै मात्र अभीष्ट
उठ्यो पयर ।
९.
हलो अड्कियो
आफ्नै स्वार्थ पूर्तिमा
वार्ता भड्कियो ।
१०.
हैन हारेको
बिर्सिए छु जनता
पाखा पारेको ।
वि.सं.२०८३ जेठ ९ शनिवार ०६:५२ मा प्रकाशित
