हामी सबैकाे संसारन्यूज

उत्तम विचार, काठमाडौँ

गरिब आकाश ओढ्दै छन् सहरमा टन्न घर छन्
जहाँ खोला बगेका छन् त्यहीँ सुख्खा बगर छन्

बलेको युद्धको ज्वाला निभेकै छैन आमा
जलेका घाउ झन् दुख्छन् अझै गाढा असर छन्

सदनमा पक्षमा बोल्ने सभासद् भेट्न गाह्रो
गरेका काम देख्दैनन् बिगारेकै सदर छन्

भएका गाउँ मासेर मुलुकभर आजभोलि
जबर्जस्ती हुँदै घोषित यहाँ थुप्रै सहर छन्

सबै अट्ने मुलुक हाम्रो यही साझा बगैँचा
जहाँ फुल्ने विविध जाति र आफ्नै भिन्न थर छन्

बहर : हजज मुसम्मन महजुफ
वजन : १२२२ – १२२२ – १२२२ – १२२
अर्कान : मुफाईलुन्,मुफाईलुन्, मुफाईलुन् फऊलुन्
काफिया : अर
रदिफ : छन्
अभ्यास : परिश्र्मी पाठशाला