हामी सबैकाे संसारन्यूज

रुना कर्माचार्य दाहाल,चितवन

१.
मनको मैलो बढार्नु
घृणा, रिस सबैलाई
पर्छ आफैँले उधार्नु।

२.
तोडेर हरेक कठघरा
खुला गगनमा उड्ने
मन स्वतन्त्र चरा।

३.
शब्द आफैँ बाँधियो
अव्यक्त पीडा छातीभित्र
मौनताले मन बाफियो ।

४.
सहाराको बलियो टेवा
सेतो पोसाकमा गर्छिन्
रातदिन जागेर सेवा।

५)).
सेवाको सुन्दर परिचय
नर्स पेशा भनेको
मानवताको रहेछ विजय।

६.
बिरामीलाई भरोसाको छाया
औषधीभन्दा मीठो बोली
आफ्नै सम्झेर माया।

७.
अरूलाई चलाएर छुरा
पानीमाथिको ओभानो नबन्नू
दबाएर साँचो कुरा।

८.
व्यर्थको नलगाऊ आरोप
बाहिरिन्छ सत्य मुखौटाभित्रको
काम लाग्दैन ढाकछोप।

९.
सत्यले दिन्छ शान्ति
भित्रको उज्यालो झल्किन्छ
अनुहारमा छाउँछ कान्ति।

१०.
मनमा राखे बुद्ध
रक्तपात, हत्या, हिंसा
सबै हुन्छ अवरुद्ध।