हामी सबैकाे संसारन्यूज

काठमाडौं । जनआस्था साप्ताहिकका प्रधान सम्पादक किशोर श्रेष्ठ पक्राउ परेका छन् ।

प्रहरीले उनलाई ललितपुरको बागडोल क्षेत्रबाट पक्राउ गरेको हो। प्रहरी स्रोतका अनुसार श्रेष्ठविरुद्ध परेको उजुरीका आधारमा उनलाई पक्राउ गरिएको हो।

श्रेष्ठमाथि व्यक्तिगत गोपनीयता ऐनअन्तर्गतको कसुरमा उजुरी परेको र सोही विषयमा अनुसन्धानका लागि पक्राउ गरिएको प्रारम्भिक जानकारी प्राप्त भएको छ।

यसअघि पछिल्ला दिनमा जनआस्था साप्ताहिक तथा जनआस्था डटकममा राष्ट्रिय स्वतन्त्र पार्टी (रास्वपा) का नेता तथा सांसदहरू लक्षित विभिन्न समाचार प्रकाशित भएका थिए। त्यसैबीच श्रेष्ठ पक्राउ परेपछि घटनालाई राजनीतिक तथा सञ्चार क्षेत्रले चासोका साथ हेरेको छ।

यद्यपि, उनको पक्राउ र पछिल्ला राजनीतिक समाचारबीच प्रत्यक्ष सम्बन्ध रहेको भन्ने कुरा भने अहिलेसम्म पुष्टि भएको छैन।